الرئيسية حراج السيارات أجهزة عقارات مواشي و حيوانات و طيور اثاث البحث خدمات أقسام أكثر ...

» بشتري افالون

قبل شهر
#50817863
سلام عليكم
يا اخوان اللي معه افالون الشكليه الجديده
وش بها من عيوب ، كيف العزل ، وصرفيتها كيف ؟
وش فيه فرق بين الاستاندر والنص فل
بشتري افالون
وسيلة الإتصال :
..

  افالون

  افالون 2020

  تويوتا



إحذر من التعامل غير المباشر.
إستخدم القائمة السوداء قبل أي عملية تحويل
››   ابو احمد980
›› 2
››   قبل شهر
الفرق بالجناح والشاحن اللاسلكي والفتحه.. وأظن بموديل 2020 تفرق مساكات نيكل
››   bndr al-arjan
›› 3
››   قبل شهر
اكتب باليوتيوب تحصل كلشي
››   blueman79
›› 4
››   قبل شهر
عندي واحده ٢٠٢٠ عزلها مره ممتاز لو كان جنبك ازعاج بناء وانت مقفل شباك ما تسمع شيء ومكينتها جدا ناعمه مأخذه راحتها في التسارع ومريحه في المطبات والحفر وهي سيدان ما شاءالله عليها في السرعة ١٢٠ راسيه فوق ١٢٠ ما ادري وفخمة السيارة مركب شيوخ هذه تلفت النظر تميز نفسك فيها واخيرا العيوب مقارنه بالسيارات ٦ سلندر تعتبر هي الافضل تمشيك السيارة بين ٥٠٠ ى٤٧٠ كيلو والفل ب ٨٥ او ٩٠ وزيت مكينة يأخذ ٦ لتر ونصف وقطع صيانة نوعا ما غالي هذه مو عيوب حطها في الحسبان قبل تشتري السيارة
››   لا حدود
›› 5
››   قبل شهر
العزل ٧/١٠
الرساوه ٩/١٠
صرفية البنزين ٩/١٠ الفل ب٩٣ الخط تمشيك ٦٥٠ داخل المدينه حدود ٥٥٠
المكينه صوتها عالي وتاخذ ٥ لتر بدون فلتر ومع الفلتر ٥،٥
بشكل عام السياره ممتازه
››   rashed1983m
›› 6
››   قبل شهر
لاحدود بيض الله وجهك
خير الكلام ماقل ودل
›› 7
››   قبل شهر
كيف صوتها عالي يارجال مكاين تايوتا 6 سلندر ناعمة لدرجة انني احسب السيارة طافية و مكدة
›› 8
››   قبل شهر
الموتر عز ويمسك سعرة و جودة ويعتبر الخيار الامثل ونا حاليا طالب وحدة ولاكن مقطوعة من الوكالة يقولي حق المبيعات من شهرين الى 3 ودافع عربون و المعارض ناارغاليات ابعد نصابين
››   لا حدود
›› 9
››   قبل شهر
انا اتكلم من تجربة ٨ شهور للسياره
››   rashed1983m
›› 10
››   قبل شهر
ياعبدالله لاتعتمد على الموظفين في الوكاله بيلزخونك بشهرين وثلاث
نصحيه ارفع طلب عن طريق موقع الوكاله وبيتواصون معاك وعلشان يوفرون لك اطلب معاها عوازل ونانو وشوف كيف
››   مساافرر
›› 11
››   قبل شهر
خذها نصيحه اشتر كامري والافضل يارس
شوف الموقع كله بيع 8 سليندر
الناس تتوقع بعد اكتتاب ارامكو بيرتفع سعر البنزين
لانها بتصير عالميه فلازم يرتفع سعر الوقود بالسعر العالمي الشركه وراها مالكين اسهم مافكرت فكيك
››   أبوخالد7
›› 12
››   قبل شهر
انقطاعها من الشركة بالشكل هذا حط عليه علامة استفهام

غريبة من بين كل سيارات تايوتا
وش السبب ماحد عارف
››   tz.503
›› 13
››   قبل 4 أسبوع و يوم
أبو خالد مساك الله بالخير
ردًا على كلامك اقول ان السياره اول ما نزلت انتشرت بشكل ملحوظ جدًا وبخصوص انها شكل جديد و اول موديل وانتشرت كذا انا اشوف انه شي طبيعي بتنقطع من الوكالة وبتحصل في المعارض لكن سعرها اغلى بكثير
››   قبل 4 أسبوع و يوم
والله ماشوفها انتشرت بالعكس الموديل ذا قليل حيل انتشارة من المرديلات السابقة و الامر يرجع لزيادة الاسعار بشكل مبالغ هذا والله اعلم
››   قبل 4 أسبوع و يوم
احس انها خطة من ابو جميل مع المعارض مثل معرض السعدون بعرعر جيتة يقولي ستاندر 2019 ب 130 الف من الحمار الي يبي ياخذة بالسعر ذا و سعرها الحقيقي 123 الف شامل الضريبة وغيره من المعارض والادهاء و الامر انه يقولك رح الوكالة كانه يدري ان مافي امل انه بيعطيك وهذا اكبر دليل على انها اتفاقية لان عندهم العلم
››   أبوخالد7
›› 16
››   قبل 4 أسبوع
لا المعارض شغلتها تستفيد من اي موتر ينقطع من الوكالة وخصوصا تايوتا
ابوجميل ماهو فاضي لهم كوكيل يراعي معرض فلان او علان

الخوف كل الخوف إنه فيه عيب مصنعي والوكيل عارف ولا يبي ينتكب بضمانها
أو إنه يبي يمشي سوق اللكزس Es المنافس الوحيد بالسوق للأفالون

مش معقول رحت أكثر من مره أبي اشوف السيارة على الطبيعة بالظهران ولا احصلها
عارضين الهايلوكس ولا عرضوا الأفالون وهي فئة راقية وفخمة تعتبر مدري عن وكالة البحرين
›› 17
››   قبل 3 أسبوع و 5 يوم
السياره ما تنفع بريال سعرها مقارنه بكل شي فيها فوق الخيال بكثير
كرهت السياره بسبب السعررررررررررررررررر
››   tz.503
›› 18
››   قبل 3 أسبوع و 5 يوم
انشهد سعرها يعادل سعر ازيرا فل الفل وتوفر في مخباك حق النانو والحمايه
››   قبل 3 أسبوع و 5 يوم
قال ازيرا هههه ياشيخ والله ماحطبها ريال واحد ملكة التخبيط ولى موديلات 2015 تباع ب 15 الف سلامات اشتري سيارة فوق 100 الف وخرتها ابيعها بعد 4 سنين ب 15 لا ياخي السيارات كمان مسالة حسابات مثل التجارة
››   0594445600
›› 20
››   قبل 3 أسبوع و 4 يوم
انا لها ٣ شهور معي نفس ملاحظات لا حدود صحيحه
ولعت عندي لبة حساس الكفرات وعبيت الكفرات سوي ماطفت وللحين مارح الوكاله
›› 21
››   قبل 3 أسبوع و 3 يوم
كل المواتر الاصفار يشتغل لمبة حساس الكفرات بعد فترة شرأها ههههههههههه
طبيعي يا اخوي افصل اصابع البطاريه وركبها من جديد بس رح ورشه يفك ويركب الاصابع وتروح وترجع طبيعيه ولا تحتاج تسويها مره ثانيه ابداً
›› 22
››   قبل 3 أسبوع و 3 يوم
يا اللي تقول ازيرا والله ما احط فيها ١٠ الاف الكوري ما تسوى لو انك قايل لكزس ارنوبه ولا قايل شركة نيسان اقل شي ولا مرسيس كان صح من متى يتصنف الكوري جنب تويوتا
››   قبل 3 أسبوع و 3 يوم
يعني الحين كنك تقول ان الكوري ابو تخبيط مايتقارن مع تايوتا يتقارن مع لكزس اذا هذي وجهة نظرك انصحك بمراجعة مستشفى الامراض العقلية لان مخك مغسول ومن ثم كل الناس متفقين ان الكوري يتقارن بالصيني سيارة قيمتها 70 الف تتقارن بلكزس هزلت هههههههه
›› 24
››   قبل 3 أسبوع و 3 يوم
لو فتحت عيونك بعد كلمة لكزس كان فهمت اي نوع من اللكزس اقصد
››   majed_f14
›› 25
››   قبل 3 أسبوع
السياره بالوكاله مو موجوده وبرا بزيادة 7 الاف اقل شي استغلال وضحك على الدقون
››   fahad22221
›› 26
››   قبل 2 أسبوع و 5 يوم
استاجرها من مكتب تاجير السيارات ،، اليوم ب ٣٥٠ تقريبا ،، وافحصها وجربها على كيفك ، ماعليك من الكلام ، لأن الناس اذواااق واراء .. وبالتوفيق
››   الوانوك
›› 27
››   قبل 2 أسبوع و 5 يوم
ممكن اسم المكتب الي يأجرها؟
››   قبل أسبوع و 5 يوم
ماحصلتها باي محل تاجير سيارات ... دورت بالرياض ولا حصلت
اللي يعرف وين احصل افلون للايجار ياليت يفيدنا وشكرا
››   fahad22221
›› 29
››   قبل أسبوع و 5 يوم
المكاتب اللي تأجرها بعرعر اللي بجنب المرور
›› 30
››   قبل أسبوع و 5 يوم
مكتب الفارس في الدمام عندهم 2019 وعندهم فروع فالرياض
››   mmmhhmmm
›› 31
››   قبل أسبوع و 4 يوم
شباب عندي النور يطفى اذا طول مشتغل وش الخلل النور ولا المحول؟

يجب عليك تسجيل الدخول حتى تتمكن من إضافة رد.